mandag 29. juni 2009

Blir det telt-ferie i år?

Det er det samme kvart år. Kor skal vi reise på sommerferie i år? Eg må innrømme at eg er litt svak for familieparker, og liker at vi gjerne besøker ein eller to i ferien (det kan ha litt med at eg er vant til det fra då eg sjølv var liten). Men kvart år blir det alltid brukt timer på timer foran pc'en for å finne ein fin campingplass, og spesielt frustrerende kan det vere dei åra vi er litt seine med å bestemme oss og det er få ledige hytter å leige. For det er hytter eg trivest best med. Vi har ingen planer om å investere i campingvogn og bubil (og helst ikkje leige heller- iallfall ikkje i år). Derfor har hytte vore det beste og koseligaste alternativet fram til no, sidan vi heile tida har hatt små barn og eg då synest det er best å ha dei fasilitetane ein finn på ei hytte.

Men så slo tanken meg... kva med telt? Tenk så greit å måtte sleppe å bruke lang tid på å finne egnelige hytter! Meeeen, og der er jo ein del men... det er jo ein del ting ein ikkje har tilgang til når ein velger dette alternativet. Og det blir ein ny måte å reise på.
Først så slo eg det fra meg, men etter å ha snakka med mannen min om det (som elsker natur og uteliv) så har eg tenkt meir på det og det gjorde til at eg det tok lang tid før eg sovna i natt (tenkte at no vil eg ikkje tenke meir på dette, no vil eg sove!! Men nei... tankane vendte tilbake til evt telt-ferie og kva det innebærer og kva ein må tenke gjennom på sånne ferier). Så i kveld skal eg surfe litt på nettet for å finne tips og ideer... og faktisk så er det ein reportasje om dette på tv akkurat no! Må følge med på det...

Har dere tips til telt-ferie eller linker til gode sider så vil eg gjerne høyre om dei.

Ingen kommentarer:

Legg inn en kommentar

Set stor pris på kommentarer, om du ikkje har konto så merker du innlegget med "anonym" :)