Glimt fra våre 3 barnerom

Eldstejentas nye rom; Senôrita-dukka fekk eldstejenta fra oldemora si ei god stund før ho døydde (for over 6 år sidan), men det er først no vi har funne den fram. Ho har funne fram den gamle UFO-lampa mi med lys i fibrane (?). Og har heste-wallstickers og Winx-wallstickers på hyllesida.

Eit stort barnerom er delt i to i tillegg til eit lite som vi hadde fra før, så no har våre 3 små kvar sine heilt eigne rom.

I dag hadde vi ein større flytteprosess. Eldstejenta og minstemann bytta rom, og jentene fekk nye (heimelaga) pulter med veldig god arbeidsplass (her er det plass til å holde på med fleire prosjekt samtidig eller ha litt ekstra arbeidsbord om det kjem venner på besøk). Vi rydda og satte ein del ting på plass, men vi har forsatt litt igjen.

Mellomstejenta har bla. fått storesøsters måne- og stjerneuro, og har fått nye prinsesse-lerret over senga si. Den lille, brune hylla som står på pulten er det pappaen som har laga.

Minstemann har overtatt eldstejentas rom. Kassen med biler og traktorer har fått sin plass under pulten. Han har fått nokre bamser i hylla si, og i taket heng ei sol som han laga i barnehagen- blandt stjernene som eldstejenta ein gong ville ha i taket sitt.

Mars er snart over.. liten oppdatering på heim, familie og hobby

No går vi snart over til april, den siste månaden har jammen gått fort. Litt av grunnen kan jo vere at eg har jobba ein dag ekstra kvar veke; så no eg ser litt fram til å ha mandagane fri igjen. Då får eg kanskje gjort nokre av dei større ryddeprosjekta som eg har planer om.

Når eg ser tilbake på månaden som har gått, så har den jo vore fyllt med små og litt større opplevinger

To søndager har vi vore på basar- der vi bla. vann fargeblyanter og dukker begge gongane. Eit par familieselskap har vi vore i, og eg har vore på to heim-skule-samtaler.

Eg hadde klubb i forgårs (og serverte fruksalat med is), og har også vore på jentekveld sammen med søstra mi og ei veninne.

Eit større prosjekt som vi begynte på i helga som var, er å dele opp det store, gode barnerommet som dei to minste deler. Mellomstejenta har lenge hatt eit ønske om å få ha sitt eige rom. 

Det er litt synd å dele opp eit sånt stort og bra rom, men eg skjønner ho godt. Eg trur det blir enklare for ho å halde det ryddig når ho kun har sitt eige å halde styr på. Og eg trur det blir godt for ho å få eit rom der ho kan ha alle småtinga sine, og ordne det sånn som ho vil ha det.

I skrivende stund er veggen mellom romma komt opp, og mellomstejenta synest ho får det riktig så koselig. Mens minstemann lurte på kvifor denne veggen skulle vere der :)

Littegrann scrapping har det blitt, og no har eg eit par LO'er som venter på å bli ferdige (ein LO blir sjelden ferdig i full fart her i huset). 

Eg held på å rydde hobbyrommet og prøver å få det litt "lettare", men må ta det litt og litt når eg veit at eg har litt tid til å få ting gjort. Eg har ein liten ìde om å begynne å arrangere scrappetreff, der dei som kjem kan få bruke av det eg har. Kanskje eg kan lære vekk ein ting eller to viss det er ønske om det.

Eg har jo hatt venner på besøk, der vi har scrappa eller laga kort, og dei har fått bruke mitt utstyr og betalt for pynt/ark som dei bruker. Men dette som eg tenker på no blir kanskje større... 

Når rommet er rydda skal eg tenke litt meir på det og kanskje legge ein  plan...

4H har spurt meg om å halde kurs på eit arrangement som dei skal ha. Eg holdt kurs for dei i fjor også, og det gjekk veldig bra. Det var ein god følelse å høyre at ungdommane syntest dei lærte noko og at dei hadde det kjekt. Eg må handle inn det dei skal bruke på forhånd, så no har eg bla. handla litt småting på ebay og i nettbutikker til dette formålet.

Ungane baka boller nesten heilt aleine i dag- så vi har kosa oss med boller både til lunsj og kveldsmat :)

I høst skreiv eg eit innlegg om Blythe-dukker, og no er snart denne nydelige dukka på veg hitover. Sånne dukker står også høgt på eldstejentas ønskeliste, så det er mulig at vi kanskje må dele på denne.

Nye heste-wallies på barnerommet

Desse heste-wallies'ene fann eg hos Panduro. Dei kom i eit sett på tre stk, så eldstejenta fekk to på rommet sitt og så fekk mellomstejenta ein på rommet sitt. Vi måtte rydde litt i plakater og andre ting som var hengt opp på veggen, men vi fann ein passande plass til dei til slutt. No kan ho ligge på hodeputa si og sjå på dei flotte heste-siluettane :)

Oppussing av dukkehus

Vi fann eit gammelt dukkehus på løa, eit som mannens bestefar ein gong laga til mannens søster. Ungane leika med det der det stod, men så fekk vi lyst til å "pusse det opp" og ta det med oss inn i huset. Vi fann nokre gamle tapetrester og så kjøpte eg nokre enkle dukkemøbler fra panduro. Sånn blei det:

Det er nokre år sidan eg gjorde dette (lenge før eg begynte med scrapping og sånt), og hadde det vore i dag så hadde eg nok brukt mønsterark og pynt som eg har kjøpt til scrapping. Det fins jo så mykje fint å ta av! Men resultatet blei mykje bedre enn det var opprinnelig :)

Eg leiker litt med tanken om å ta ei ny oppussing, vi får sjå kva det blir til. Eldstejenta leiker ikkje med det meir, og mellomstejenta bruker det berre av og til, så det er kanskje ikkje behov for det. Men huset kan jo brukes til andre ting; kanskje som bokhylle eller garasje til minstemanns biler...

Eldstejentas rom ~ før og etter

Heste-wallies på døra

Etter å ha delt rom med lillesøster fekk eldstejenta endelig sitt eige rom i fjor høst. Det var fint at ho då endelig fekk ein plass til kun sine eigne ting, litt store ting og mange små. Og kunne ha det meir tilgjengelig, og meir på utstilling (sånn som jenter gjerne liker å ha det).


Sånn såg utgangspunktet ut. Eit roterom som kun blei brukt til oppbevaring.... Denne etasjen var ikkje så mykje i bruk den gongen, og det var vel ein av grunnane til at det såg sånn ut. No er etasjen og alle romma meir i bruk, og eg merker at oppbevaringsplassen har blitt mykje mindre.

Først måtte alt rotet ut, og så kunne det begynne å jobbes..

Eg ønska å få tatt i bruk litt av tomrommet som var ved sidan av rommet (under skråtaket)- greit med all plassen ein kan få :) Så derfor laga vi eit "ekstra-rom"... ei lita hule... eller eit hemmelig rom.

Ho ønska seg blått tak med stjerner på, så dét måtte ho jo få :)

Og sånn blei resultatet:

Her var det kjekt å flytte inn!

Desse flotte, lystette gardinene fann eg på princess.

Og sånn blei den lille, lune hula i veggen. Først hadde vi tenkt å ha to vindu (som bildet lenger oppe viser)- men vi kom fram til at denne løysinga var bedre.

No har det gått eitt år, vi har satt inn eit par hyller og hula har fått gardiner foran. Eldstejenta har satt sitt eige preg på rommet med ting, pynt og plakater. Bilde av dette kjem kanskje seinere ein gang.

Barnerom før og etter...

What a mess!! Sånn såg barnerommet til dei to minste ut i dag, mens vi holdt på å rydde og sjå gjennom leikane deira. Det såg ryddigere ut før vi begynte, men enda ryddigere etterpå ;)
Dette var etter at vi hadde sett gjennom ponnyene, dukkene og bamsene.... og mens eg holdt på å sortere i dukkekle for vasking og kasting. Og i alt dette rotet er det faktisk eit system :)

Barbiedukker og andre dukker på rad og rekke for sortering :) Halvparten er fra mine unge år, mens dei andre er fra nyere tider.

Og sånn er rommet i ryddig tilstand:

Ryddig.... så lenge det varer ;)

Sånn ser altså barnerommet til dei to minste ut. Vi pussa opp og bygde på huset for ca. 4 år sidan, og då fekk ungane dette store, flotte rommet. Den gongen var det jentene som flytta inn, og det bærer rommet preg av med sitt lyserosa tak, rosa tepper, rosa gardiner og "jentete" wallies (sjå bilde lenger nede i innlegget). No har eldstejenta fått sitt eige rom, mens minstemann flytta inn hit til mellomstejenta. Det er ikkje så mykje guttepreg over det enda- men han har no fått ei "ridder"-lampe fra IKEA ved senga si :)

På andre sida av rommet har mellomstejenta senga si. Ho har blomsterlampe, og også ei bordlampe (begge fra IKEA) som står på orgelet. Orgelet er svigers sitt, og har vore vekk-plassert hos andre ei stund. Men så kom det tilbake på gården... og kor i alle dager skulle vi plassere det? Valget fall på barnerommet. Og her står det foreløpig godt. Den første tida våkna vi til orgelmusikk om morningane (rommet vårt ligg ved sidan av) hehe... No er det mest når ungane har besøk at dei speler på det, eller når dei "lager musikk".
Den store Skofus-bamsen vann eldstejenta i ein tegnekonkurranse eit år (tidligare har jentene også vunne kvar sin lille Skofus-bamse).

Mellomstejenta skal begynne på skulen til høsten, så det kjem nok til å forandres litt her inne- for ho må jo få sin eigen pult (sjølv om leksene som oftest blir gjort i stua). Usikker på om pulten blir kjøpt eller om mannen lager ein... uansett så må ho få seg litt hyller også, der ho kan ha små og store duppeditter- og kanskje få ha dei ifred.
Rommet er så stort at det kan deles i to (det er to lamper i rommet nettopp pga at det kunne bli aktuelt ein gong), men det blir kanskje berre satt opp ein skillevegg eller noko no i første omgang.


Utstilling av dei kjæraste kosebamsane hennar.

Resten av rommet på mellomstejentas side, med bokhylle til nokre av bøkene deira. Mellom senga og kottet er det ei lita dør inn til eit kott, som vi kan bruke til oppbevaring og også som eit lite ekstra, hemmelig rom til dei små.


På minstemanns side av rommet står vogner, dukkehus, kurver og også litt av mine ting oppstillt på rad og rekke. Sidan rommet deira er stå stort så har eg måtta låne ein liten del av rommet deira til oppbevaring. Inne i skapa har dei litt av leikane sine.

På veggen har vi blomster- og alvewallies.

" A closer look" på alvane... Synest dei er så fine. Har kjøpt nokre wallies med biler på også, for minstemann sin del. Men nokre ting tar tid her i huset, så dei er ikkje komt på veggen (eller leikekassen eller kommoden) enda.




Innsida av leikeskapet. Ikkje alltid så lett å lage skap der det er skråvegg, men mannen visste råd. Alle tre skapdørene på veggen går inn til det samme skapet...


Minstemann har ein del av leikane sine i stua enn så lenge, mens eg har plassert ein del av jentene sine leiker i bokser på soverommet vårt. Dette for å prøve å holde rommet deira ryddigere... Leiker har jo ein tendens til å bli liggande utover alt, spesielt viss dei har små gjester på besøk. Derfor har eg sagt at dei kan få ta ut boksane når dei treng dei, men helst berre ein om gangen og då må dei sette den på plass igjen etterpå. Dèt er det ikkje alltid like enkelt å hugse på, men dette fungerer iallfall bedre enn om alt hadde stått tilgjengelig på barnerommet.

Inn mot barnerommet har vi ein lang gang, og den eine veggen har vi "dekorert" med lister med klesklyper ;) Her kan ungane henge opp kunstverka sine og andre bilder dei måtte ønske å vise fram (ideen fekk eg i bladet "Mamma" ein gong).

Nokre gonger setter vi opp telta deira på barnerommet:

Og sånn hadde vi det tidligare, med blomsterlamper på begge sider, og bord (innimellom med stoler også) istedenfor orgel :) Her hadde vi også eit svart og kvitt teppe av ull, på golvet. Veva med ull fra jentenes sauer: