torsdag 3. september 2009

Lykke- etter regn så kjem sol


Så deilig at det var sol i dag!!!
Då eg fulgte jentene til bussen i dag tidlig var det så friskt og fint ute. Litt skyer, litt sol og deilig frisk sjøluft. Eg trudde at vi berre hadde regn i vente, sidan det stort sett har vore grått vèr i det siste, og derfor hadde eg ein del ting eg hadde tenkt å gjere inne i huset i dag.
Eg sa til jentene at dei måtte ha på seg jakker som tålte regn, for det blei sikkert vått i dag òg.

Då eg kom inn i huset att satte eg og minstemann oss i sofaen og las litt blader og bøker. Men istedenfor at det blei gråere ute, så forsvann skyene meir og meir. Var det virkelig så fint vèr ute som det virka som?
Og ja... ute på trappa skein sola fra nesten blå himmel. Så godt det var med litt sol igjen!

Go' koppen min er god å drikke av når det er grått og trist ute, men den var ekstra god i dag når sola skein :) Eg fann solbrillene mine lengst nede i veska (er mange veker sidan dei sist blei brukt) og tok med meg ut boka som eg held på å lese i. Minstemann fann trillebåra si, og "jobba" med gras og sand.

Eg prøver innimellom å tenke gjennom kva som har gjort meg glad og kva eg har satt pris på i løpet av ein dag. Eg pleier også å spørre ungane om dette når eg sit på sengekanten deira om kvelden; har dagen deira vore fin? Har det skjedd noko som var kjekt eller som dei blei glad for? For å også bevisstgjere dei litt på dei små og gode tinga i livet.
På sånne dager er det ikkje vanskelig å komme på mange sånne ting.
Dette er noko av det som har gjort dagen min så fin i dag:
  • Sol, varme og frisk luft
  • Synge eit par sanger sammen med minstemann, mens eg laga fart til han på dissa.
  • Ha fri fra jobb. Og ha muligheten til å nyte denne fine dagen ute i sola sammen med minstemann (og ei god bok- er ikkje så ofte eg tar meg tid til å lese bøker).
  • Glede minstemann med å lage "nistemat" til lunsj som vi kunne ete ute.
  • Sommerfugler som flaug rundt oss innimellom (men dei var vanskelige å ta bilde av ;) ).
  • Nyte stillheten og kun høyre på fuglesangen fra skogen.
  • Bladet Mamma, som kom i posten i dag.
  • Ta i mot to blide jenter som kom heim fra skulen.
  • Måltidene vi hadde sammen, heile familien (middag og kveldsmat). Og den fredeliga stunda eg og mannen har sammen etterpå, når ungane er mette og har sprunge fra bordet.
  • At då vi begynte med tran og sana sol igjen i dag, så likte ungane det forsatt- sjølv om det er mange måneder sidan sist.
  • Å få den vanlige kosen og klemmen fra minstemann, før pappaen skulle legge han om kvelden.
  • Den gode samtalen med kvar av jentene då eg la dei.
  • Litt tid til scrapping og blogging.


Fotoverden var det i dag skreve ein artikkel, av Miriam, om signering av bilder. Tusen takk for tipset :)

1 kommentar:

  1. Jeg har også begynt å signere bildene jeg legger ut, føler det er mere riktig enn uten.

    Så mange fine bilder du har tatt! :) Kjempe flink er du.

    God Helg

    Kathleen www.matheo.me

    SvarSlett

Set stor pris på kommentarer, om du ikkje har konto så merker du innlegget med "anonym" :)