Kjekt med heimelaga hårklemmer

(Klikk på bilda for å sjå dei større)

Eg er glad i å holde på med ulike hobbygreier, men alt for lite flink til å prioritere det. Eg veit det gir meg glede og avkobling, di  meir man gjer det di meir kreativ blir man og det er også veldig kjekt å gjere ting sammen med ungene. Og kanskje det er derfor det har blitt mindre av dette...
Mine tre eldste er ikkje så glad i det som dei var tidligare. Men no er vesla blitt 5 og eg skal prøve å prioritere fleire kreative ting sammen med ho framover.

Då minstejenta var baby shoppa eg hårklemme-ting på nettet og eg pynta hårklemmer sammen med eldstejentene. Her kan du sjå kva vi laga den gongen: Heimelaga hårklemmer

I dag fekk eg lyst til å la minstejenta få velge sjølv korleis ho ville ha klemmene sine. Ho valgte farger og pynt, mens eg limte det sammen. Klemmene med farger på er kjøpt hos Panduro, mens resten er kjøpt på Ebay.

Ein rask og lettvint aktivitet for å lage noko som er forbruksvare her i huset :)